Timberland新推出夢幻櫻花粉色少女短靴！Timberland一向都係「靴界」最受歡迎品牌之一，除咗質料好，舒適又耐穿之外，著起上嚟仲有一種時尚感覺～ 以往我哋大多數見到嘅都係啡黃色經典款，而呢次推出嘅夢幻櫻花粉絕對會俘虜一眾少女嘅心！

Timberland最經典嘅黃靴款偏中性，唔少女生會同男友一人一對當情侶鞋，而呢對Timberland 6″ Premium Waterproof Boots (light pink)係可愛嘅櫻花粉，配色柔和又小清新，增加可愛少女感，而且非常百搭，無論係襯牛仔褲、短裙、長裙都得。

你有無發現呢對櫻花粉色Timberland特別有質感呢？因為鞋身Logo同鞋帶扣都用咗玫瑰金色金屬，所以特別有一種優雅感。

而喺質料方面，Timberland 靴所採用嘅皮料係唔會變形同耐磨嘅雙層純牛皮，呢種皮料曾經長時間浸泡喺特殊嘅防水蠟內變成防水皮革，所以係非常實用同時又好睇嘅鞋款！再配上PrimaLoft環保保暖材質，為雙腳提供絕佳保暖度，冬天著佢仲可以保暖！

呢對櫻花粉色相對嚟講比較淡色，即使係初嘗粉色鞋嘅女生亦可以放心入手，甜美或休閒風都可以輕鬆駕馭，穿上腳後更溢出濃濃少女氣息，快啲入手一對開啟微甜浪漫嘅秋冬啦！

海外網購價

US$170（約 HK$1,333）